MƏNİM ÇAĞLAYANIM

O gündən bəridir dəyişmiş rəngin,

Dəyişmiş büsbütün rəngin, ahəngin.

Səndə gurultulu bir çağlayan var,

Bu dönməz çağlayan durmadan axar.

O durmadan axar, dağ-dərə bilməz,

Qüvvəti daima artar, əksilməz!

28 APREL

Mən əzilən bir sinifin hayqıran,

Haq bağıran sədasından yarandım.

Ölümlərin pəncəsində hıçqıran

Məzlumların nəvasından yarandım.

ÖLKƏM

Dünyamızı seyr etdim min dürlü həvəslərlə,

Gördüm coşuyor dillər pək nəşəli səslərlə,

Baxdım doludur yarlar şən qəlbili kəslərlə,

Pək şad olaraq güldüm abad olan ölkəmdə.

Qəmlərdən, ələmlərdən azad olan ölkəmdə.